کرارین قالماغینداکی فایدالاری هامی بیلیر، و بونا گؤره دانیشماق کسینلیکله
یئرسیزدیر. اومودوموز واردیر اونون استقلالا گئتمک خبرلری یالان اولسون و تیراختور
سوروملولاری اونون گئتمه یی نی قارشیلاسینلار.
آنجاق خبر دوغرو اولسا دا ، تیراختورچولار راحاتسیز اولمامالی دیرلار. چونکو کرارین
"ایران دا تیراختوردان سونرا بیر باشقا بیر تیمه گتمه یه جه یم" سؤزو ده یالان
چیخیر. یالانچی اویونچونو، نه ایچین سئومه لی ییک کی!؟(بو ده اولابیلر: تیراختور
آسیا یا گئده بیلمه دی، و کرار عرب تیملره گئتمک ایچین، ایسته ییر استقلالدان دا،
آرا دا بازار قیزیشدیرماغا گؤره، استفاده ائتسین)
آما کرارین گئتمه یینین فایدالاری:

1- کرار اولموشدو تیراختورون آشیل داماری(تپه گؤزو)! بوتون تیراختور دوشمانلاری و
اونلارا باغلی اولان مدیا(دوخسان کیمی وئرلیشلر) همشه اونون علئیهینه تبلیغ ائتمه
یه گؤره، بوتون اویونلار دا، داور، حریف اویونچولاری و اونلارین تاماشاچیلاری،
کراری راحاتلیقلا کوره دن چیخاردیب، و سون دا تیراختورا ضربه ووروردولار.

2- بیز او قدر کراری آلقیشلاییردیق کی احتمالن باشقا اویونچولارین حسادتینه باعیث
اولوردوق.

3- کرار تیراختور دا معروف اولوب. کرار گدیب آیری یئرده یاخشی اویناسا، باشقا
استعدادلی اویونچولاری تیراختورا ساری یوللایاجاق. البته من فیکر ائله میرم
تیراختور باشقا تیملر ده، تیراختوردا اوینادیغی کیمی اوینایابیلسین.

4- کرار چوخ احتمال ایله، پولادی کیمی باشقا تیم ده، یاخشی اوینامایاجاق و ایسته یه
جک تیراختورا قاییتسین؛ چونکو تیراختور تاماشاچی سی بونلاری اوینادیر. و بئله لیکله
تیراختورون تاماشاچی و یانداش گوجو، بیر داها اؤز تایسیز ائتگی و تاثیری نی اثبات
ائده جک.

سون سؤز اولاراق، دئییم کی بو یازی ایله، حالوا-حالوا دئییب آغزینیزی شیرین ائتمک
ایسته مه دیم، و بونو دا دئمیرم کی تیراختور سوروملولارینا، کرار جاسیمی راحت الدن
وئرمه یه گؤره اعتراض ائتمه یه ک. کرارین گئتمه سیندن بیز بو درسی آلا بیله ریک کی
گرک اویونچولاری متعادل حالت ده سئوک. چون فوتبول عالیمینده یانداش نه قدر ده
اولدوز اویونچولاری سئوسه، اونلار پولو داها آرتیق سئویرلر. تیراختور فوتبول دان
اوستون اولسا دا اوندا اوینایانلاری بئله دئییللر سانکی.

آنجاق کرار جاسیمی تیراختوردان آزدیرانلار، بیلسینلر تیراختور او گوج و قودرته
صاحیب دیر کی هر ایل اون بیر دنه کرار جاسیم یئتیشدیرسین. اونوتمایاق کی کرار جاسیم
الوکره دن ایرانا گلنده، ریسک ایله آلینیبدیر! کمالوندین دئدیکلرینه گؤره او بیر
یاخشی آنجاق شولوق و حاشیه لی اویونچو ایمیش و باشقا تیملر اونو آلماقدان واز
گئچیرمیشلر.

بونو دا اوخویون:  بیزی کیم آلا بیلر*
آیدین کسائی
یازسونو(خرداد) / 1390

http://www.tiraxtorfans.com/1389-07-20-09-54-05/2187-1390-03-12-18-14-36.html