|
. اودوزماغا قرار اولسا، فرقی یوخدور! 10,000 تیفوسی ، یوخسا 100,000 چیلغین تاماشاچی؟
یانداشلیق سایتلارین بیرینده گؤردوم، “100.000 تماشــــاگر یا 10.000 هوادار تیفوســـــی تراختور ؟” باشلیقدا بیر تاپیک آچیلییب! بو دقیقا، گئچمیش یازی دا بارماق قویدوغوموز “نتیجه گرایی آیا واقعا بد است؟”  سوروغوسونا “هن” جاواب وئرمکدیر! خاطا اولدو، بیر هفته دولو ایستادیومدا اودوزماقدان سونرا، بیر دنه اویونو، آز تاماشاچی ایله غلبه ائتدیک، بیر سایی هر نهیی اونوتدولار! دئییلیر، تاماشاچی چوخ گلنده، آلقیشلار یاخشی چیخمیر، تاخیما استرس وئریلیر، چوخلاری حرفهای آلقیشلایابیلمیرلر و تاخیم اودوزاندا، تاماشاچیلار ووروب سیندیریرلار و ائلهده خئیریمیزه اولمور.
حالبوکی ایکی دنه بؤیوک تجروبهنی اونوتمامالیییق. منجه بو ایل ایکی دنه اویوندا پرده آرخاسیندا آدلانان اللر اؤزلرینی گؤستریبلر، و تاماشاچیلار تیفوسی – غئیر تیفوسی- حرفهای و غئیر حرفهای بیر جور داورانمیشلار، و باشقا اودوزمالاردا تاماشاچیلار عئیبی یوخ دئمکدن سونرا باشقا سؤز دئمهمیشلر. بیریسی ایستادیوم دولان ایستیقلاا یئنیلمکدیر، و باشقاسی دا بو ایلین یازیندا صبا تاخیمینا یئنیلمکدیر. چوخ ماراقلیدیر کی آسیایا گئتمک ایچین حیاتی اولان صبا اویونوندا دا، ایستادیومون یاریسی دولموشدو. و کسینلیکله دئمک اولار، ایستادیومون لاپ چیلغین و تپکی(اعتراض) گؤستهرن یئری، تیفوسی آدلانان یئرلری ایدی. گؤرونتولر بونو اونایلایابیلر(تصدیق ائدهبیلر)! بونا گؤره، اوردوزدورولماغا قرار اولسا، بوش ایستادیوم، 10000 تیفوسی، یوخسا 100000 چیلغینین فرقی یوخدور. تاماشاچی آز اولاندا تیراختورون باشی پامبیق ایله کسیلیر! سیپاهان اویونو و آلتیدنه حساس فینال قارشیدا دیر. اون مین تیفوسی نه قدر گورولتولو آلقیشلاسادا 60000 بوش صندلی، قارشیدا کی تاخیما روحیه وئریرلر.
بیز تکجه بیر ایش گؤره بیللیک:
هاممی تیفوسی اولمالی، و آیاق اوستده دوخسان دقیقه آلقیشلاسین؛ و بو هاممی دا، ایستادیومون اؤزل بیر بؤلومو یوخ، بلکی دولو بیر ایستادیومون بوتون تاماشاچیلاری اولمالیدیرلار. و البته داورلرین یانلی و عدالتسیزلیکلری گؤرونسهده، تاماشاچیلار یانداکی عصبلشمیش تاماشاچینی کونترول ائتمهلیدیر.
—
2. هر دن بیر اولسادا، عئیبی یوخ! هامی تیراختورا گؤره یازسین
تیراختور فانسدا، “هردن بیر” آدلی بیر بولاقدان یایمیش گؤزل بیر یازی اوخودوم، “تراکتور، تیمی رسمی، پیامی غیر رسمی” باشلیغی ایله. بونا گؤره، اؤز الهشدیریمی (تنقیدیمی) بیلدیرمک ایستهسم؛ قیسساجا دئیهبیلرم کی، یازینین سونوندا بیر پارادوکس و تناقوض واریدیر:
- منجه یازار ایسته ییر دئسین کی داها ائتکیلی اولماق، و باشاری الده ائتمک ایچین، تیراختور تکجه بیر کیملیک سیمگهسی اولماقدان اوستون اولمالیدیر. او یازیدا، تکجه بیر دؤنه آزربایجان آدینی ایشلهتمک و همده تیراختورو فارس دیلینده اولان یازیدا یازماقدان چکینمک، یازارین بیر آز اوتانماغینی، و هله ده تیراختور داشییان کیملیگی دوزگون تانیماماغینی گؤستهریرباشقا یاندان، یانداشلارین “تیراختورو ائل ایستر، شرفلی میللت ایستر” شوعارلاری تیراختورو بؤلگهسل/ائتنیک دوروموندان چیخاردیب و بوتون تورک یاشایان یئرلرده، تیراختور تک قالماییر. آنجاق، بارسئلونا کیمی بیر تاخیمی دونیا تانییر و دونیالیق تاخیمدیر و دونیا دا اونلار میلیون یانداشی واردیر؛ آنجاق ایسپانیا ایچینده تکجه کاتالانلار طرفیندن سئویلیر، و بونا گؤره تیراختورون سئویلمک فلسفهسی حتی باعیث اولوب یانداشسیز تاخیملار، تیراختور قارشیسیندا تاماشاچیلاری چوخالسین؛ ایندیکی زاماندا کیملیک سورونونا گؤره، ایستقلال و پیروزی تاخیملارینی سئون تورکلری، تیراختورا ساری چکسک بؤیوک بیر ایش گؤرونوب و باشقالار پئشکش!
البته، بونو دا دئمهلییم کی آزربایجانین ذکالی و یوکسک سویهده تحصیل ائتمیشلری، تیراختورا گؤره اؤز دوشونجهلرینی یایماق، تیراختورون بیر کلوب دان اوستون اولماق ادعاسینا بیر ثبوتدور. بو یازیلاردا کی باخیشلار تیراختورا چوخ فایدالیدیر و باخیشلارین آراسیندا بیر پارا آنلاشیلمازلیقلار اولسادا چوخ اؤنملی دئییل، و گئت گئده داها دوزگونلهشهجکدیر و بیر آز زامان آپارار.
یاشاسین تیراختور، یاشاسین آزربایجان
آیدین کسائی
http://tiraxturum.blog.com
|
Comments
چوخ ده رين و زنگین بیر یازی یازمیسینیز.بو یازیدا ،دوشونجه لی سئوییه ده ،بوتون اؤزله رين بئيه نن(خودپسند)یاند اشلاری ،گؤزل نده ن لرايله يانيتلاميسينيز.
هر زامان كي كيمى قئلمينيز آخارلي و كئسرلى اولسون.
اولو تانريدان سيزه و بوتون يازار لاريميزا،كى هر قونودا(سيياسال، سوسيال،اكونومي، ائتنيكي،ماهنيلا ر، ايدمان،فولكولور سل ،كولتورسل،كيملي ك و...)گؤزل و ده رين باخيشلارين ،قوتسال قئلملر ايله يازى يا ،چئکیللر،و هر بير گئنجی ،آييق و ساييق سالماق لار ايله ،اونلارى ،اؤز كيمليك له رينه دوغرو چاغیریب، و دوشمن له رین ،اؤزليكجه فارس شوونيسمين ،كي تورك خالقينا قارشي بير چوخلی راسیستی و عیرقچلیق جه ،داورانیللار،و بيرجه ايران! اولكه سينده، تورك ىازار لاريميز،ميللته اوياري وئريب و گئرچک لری ایدین لاندیریلار،جان ساليغي ديليرم.
----------------
ياشاسين ازربايجان
ياشاسين ازربايجان يولوندا اورگ لری چیرپینان و چالیشان اللر
یاشاسین اوزگور ازربایجان
RSS feed for comments to this post